المدح الرخيص

بكل أسى تابعت الحوار متاع زياد مع محطة

BBC Arabic

موش خاتر ولد المحيرصي اما التعليقات متاع التهليل و الشكر تقولش الراجل جاب الصيد من وذنو تي وين مشى

L’esprit critique

متاعكم ؟

المحيرصي من العايلات الكبيرة في جربه و فما كالعادة فرع من العايله في العاصمه كيما بن جمعه بن يدر و لوكيل و غيرهم .

شكون يجي لجربة و ما يقعدش في المحيرصي او بن يدر .

و جربه طبعا فخوره انو ولدنا يقرا في امريكا و يصل للمستوى العلمي متاع زياد ، لكن عندي بعض الملاحظات فيما يخص تعاملك مع التلفزه ، لانو راهو موش ساهله لحكايه ،

لاحظوا في الأول انو زياد ضاربو التراك و مبعد و كالعادة دخل كمان و عديد المصطلحات متاع اللهجة المصرية ، يا أخي احكي عربيه فصحى ..

علاش هكا ، الفنانين التوانسه كل تحطهم قدام ميكرو شرق أوسطي ديراكت ينسوا لهجتهم .

هو مجرد نقد بسيط لا يضع أبدا موضع تشكيك لما وصلت ليه يا زياد من مستوى علمي و اجتماعي رفيع ، ربي معاك يا ولد جربه . إلى الإمام ، النقد هو ما يدفعنا للتقدم و التحسن و ليس المدح الرخيص الذي سقط فيه من علقوا على تدوينتك .