اللباس الطائفي و المبيد تفاعلا مع الشنيتي الجزء الاول

بعد ساعتين فقط من وضع اسمي في القائمة السوداء متاع المبيد الحشري نجحوا في إغلاق حسابي في الفايسبوك ، طبعا هم يقولون أنهم يستهدفون الملحدين و المنصرين ، و انا مسلم و ما عندي حتى علاقة بالمبشرين ..

ممكن بسبب التدوينه السابقة الله أعلم ..

الخطوة الأولى اللي قمت بها هي أني بعثت بريد الكتروني لهذا العنوان الذي وجدته في صفحة المساعدة متاع الفايسبوك ، لازم نعرفو انو الفايسبوك وقتلي تجيه برشا احتجاجات على يقوم بغلقه مباشرة و المتضرر لازم يقوم بمراسلتهم عبر ذلك العنوان

disabled@facebook.com

و لازم تراسلهم طبعا انطلاقا من البريد الالكتروني الذي كنت تدخل بيه للفايسبوك .

و يقولولو علاش سكرولو البروفايل و في اغلب الأحيان يرجعهولو ههه مما يجعل الانتصارات اللي يتبجح المبيد عبثيه هههه ،

و الله عملوا عليا اكبر مزيه بتسكيرهم البروفايل متاعي لان اغلب مجموعاتي و الصفحات اديرها ببروفايلات وهميه ما فيها حتى صديق عل القائمة و ما ضاعتش و هذا الأهم ... غلق الصفحات و القروبات أصعب مل البروفيالات هههه ..

حسب تقديم الاخ المشرف عل المبيد المشكلة متاعهم معايا هي موقفي من اللباس الطائفي ، فهل إنكار اللباس إنكار لمعلوم في الدين بالضرورة ليقع تكفيري ؟

اشك أصلا أنهم يعرفوا اش معناها معلوم في الدين بالضرورة و معايير التكفير ، واضح انهم مجموعه من الشباب المراهق ، بون عملوا عليا مزيه و سكرولي الفايسبوك هكاكا نتلاها في حاجات اخرى أهم هههه في انتظار يرجعولي بروفايلي ..

المضحك في الأمر هو التعليق اللي فسخو المشرف وقتلي قال احميده عندو صفحه متاع الرسول و يسب في المحجبات و انا عمري ما سبتيهم انا مانيش ضد السفساري او الفولاره التونسيه انا ضد اللباس الطايفي الأسود .

Cliquez sur la photo pour l'agrandir .

فعلقت قلتو صلي عل النبي وقتلي تذكرو و هذا واجب انو لما يذكر النبي صلى الله عليه و سلم لازم نصليو عليه فما كان من المبيد إلا ان فسخ تعليقي مما يدل أننا أمام ناس غير متدينين و ما فاهمين في الدين شي و لا يوقرون عالما و لا نصيحة ..

مرضى نفسيين قاعدين يلعبو بش يبثوا الكراهية ، لا هم لا ظلاميين و لا خوانجيه ، الخونجيه الحقيقين ولات تحكي بحقوق الإنسان و الحريات ، هاذم كمشه مفرخ من نتاج هذا الزمن التعيس متاع الخواء الفكري مشتتين ما فاهمين شي ، هديتي ليهم هي هذا التسجيل الصوتي بما انو يقلقهم برشا أني نتكلم عل الحجاب مالا هاني بش نعملو خبزي اليومي ، كل يوم بش نحكي عليه !!

Extrait d'un livre de Sadok Chaabane .

ملاحظه أخيره هاك الكلاب اللي قاعدة تدافع عل الحشرات هاذي تحت غطاء أنهم شباب غيورين على دينهم و أنهم مساكن متهمينهم بالتخونيج .. شركاء في الجريمة بقصد او غير قصد القانون لا يحمي المغفلين فانا لا ملحد و لا مبشر بالدين المسيحي و كتبت ضد التبشير في المدونة هاذي و رغم ذلك وقع وضعي عل القايمه السوداء و انه لشرف لي ان اكون على نفس القايمه السوداء اللي فيها خميس الخياطي ، صاحب كتاب تسريب الرمال . شكرا لهذا الشرف الذي لا استحقه .