ليس من عادتي كتابة ردود على تدوينات إلا نادرا ، و خاصة لما يتعلق الأمر بكمشه مفرح تحترف الكذب و البهتان و كتابة تدوينات أشبه بتقارير بوليسيه و تتجوسس عل العباد و هذا انبريم ايكران و هانا شلقنا بيك .. و هات من هاك اللاوي .
و اللي كذب مرة فلا تصدقوه ثانية .
يقولون أني ادعي أني منتمي للحزب الحاكم و يدعون أني ليبرالي و يقولون في نفس الوقت أن مدونتي وقع حجبها و هذا صحيح ، المقال مبني بشكل موجه كأنو صبة أو تقرير امني موجه لألفه يوسف و لكوادر التجمع ، لدفعهم لاتخاذ اجراء ات ضدي .. ههههه . نفس الأسلوب اللي كان معتمد في موقع فري مغرب الأب الروحي للمبيد الحشري الفايسبوكي اللي ناس كل تعرف تورطو مع بعض الاجهزه الامنيه في النظام السابق .
المدهش في الأمر انو مقال متاع سب علني كيما هذاكا وقع ترويجو من قبل ناس معينه في الفايسبوك زعما زعما خاطيها و هي ما كتبت شي ..
كما تثبتو الصور المصاحبة اللي اظطريت آسفا لنشرها لأني اكره مثل هذه التدوينات البوليسيه اللي فيها تصاور و تحليلات و لكن ما يلزك عل المر كان اللي أمر منو ..
طبعا المقال هاذاكا أدى وظيفة عكسية هههه لما كان يريد مهرجو المتنوشه فعلو وهو دفع الدكتورة ألفه أنها تشكي بيا خاتر انتحلت شخصيتها . لذلك نحب نشكرهم و نشكر جميع المدونين اللي ثلبوني و سبوني خاترهم خدموني برشا من حيث لا يشعرون ههههه و نضيف انو بعد ما انجلى الحق و تبين انو الصفحة رسميه و هذا فيديو صوت و صوره يثبت الأمر في مدونة السيدة ألفة , فقدت هذه المدونات المراحيض كل مصداقية و لم تكلف نفسها مجرد الاعتذار لنشرها أخبار زائفة و لا أساس لها من الصحة.
Articles
