أي تعبير حر ممكن في هذا المناخ المتعفن ؟.

روحت ليوم من ندوه نظمها منتدى ابن رشد المغاربي مرعوب مرعوب باتم معنى الكلمه ... جلس بجانبي شاكر الشرفي و سامي ابراهم و امامي مجموعه من الايرانيين و شيخ أبو عمامه بيضاء .. و ورائي عبد الرؤوف العيادي .. متاع السي ب اير .. المدعوين في ستراد ، المصمودي و بلخيريه و عبد الرزاق الهمامي و ابو يعرب المرزوقي .. و شيخ ايراني شيعي جاء اصلا للإحتفال بذكرى الخميني الاربعاء الفارط

طبعا انا اهوى الستماع لافكار جديده و نقاشات بناءه ..

و استغل وجودي في العاصمه لحضور اكبر عدد من الملتقيات . ..

منين بش نبدا ، اللي صار شي مرعب بالحق .. بش نختصر و اعتمادا عل الذاكره . يا ليتني ما عشت نشوف هل النهار المشوم في تونس . حكا ابو يعرب معليناش ، و مبعد المصمودي رضوان وهو مواطن امريكي في امريكا منذ 1981 ..

قاللك يجب عل التوانسه الاحرار انهم يطردون معز شقشوق متاع الوكاله التونسيه للانترنت لانه لم يلتزم بغلق المواقع الاباحيه هكذا نعم ، انا لم اسمع الرجل يقول انه لن يغلق المواقع الاباحيه تحديا للقضاء و لست بمعرض الدفاع عن شقشوق لكن فقط يقهرني الجهل ، شقشوق عندو امور تقنيه ، و تقنيا مستحيل غلق مئات مليارات من المواقع بدون ضحايا ..

قبل في عهد بن علي البرنو كان مسكر لكن بسبب ذلك كان مثلا موقع نوتاللا متاع الشكلاطه مغلق لاحتوائه على على كلمة نو .

NU

فالمطلوب اليوم عند ادعياء الديمقراطيه الجدد هو طرد كل نفس مخالف لافكارهم ، نعم هكذا و تحل فمك تولي صدتك و نعتك . قالها سي المصمودي هكذا بكل عنجهيه و تقزز ، كيف لا يغلق المواقع الاباحيه ..

و يقول انها حريه !!

ماكانش ناقص للجموع المتحمسه و تصفق التالي كان ضربه تكبير بش يصيحوا الله اكبر ؛ بعدو تكلمت وحده قالت انها عضو في حزب طريق الوسط فابدعت و قدمت طرحا حداثيا ممتازا دافعت فيه عن حقوق المراه و مكاسبها .. فقاطعها الجمهور 3 مرات ، لانها اصرت على التكلم بالدارجة ، و لانها قالت لا مجال للتراجع مكاسب المراه . استهجن الجمهور كلامها و اتهموها انها مندسه تجمعيه ، و العيادي يتكمر من تالي و ياكل في بعضو ماكله ، و ما راطهاش وقتلي عمل التعقيب ..

و وجدتني اصفق للسيده بلخيريه وحدي كالمهبول في القاعه .

و رغم ان عبد الرزاق الهمامي وهو يساري استحسن كلام بلخيريه في شقه القائل بمزيد من الحريات للمراه الا انو دخل فيها عافو ربي على حكاية الدارجه و بدا يغني و نحن عرب و نحن قوميتنا و نحن هوتنا و برا من هاك اللاوي .. و فلسطين و صهاينه و مؤامرة و الناس تصفق و تشجع و مبعد انقلب الجمهور على الهمامي لما هاجم الشيخ الايراني الشيعي و لا حاول احدهم افتكاك الميكرو منه . و ناس تهدي و ناس تصيح .

و هاك الشيخ ابو عمامه بيضاء و لابس ابيض في ابيض و لحيتو 4 ميترو جا واحد يوشوش في وذن شاكر قالو انو قال صحا ليه جا في تونس يقصد عل الهمامي ، قالو و ان لم يكن في تونس قالو يقنع بفتح النون او يبلع بفتح اللام .

حاصيلو

. روحت مروعوب مرعوب من المستقبل .و ارتعش و صورة الغوغاء تهاجم فيا في اجتماع بن عاشور في جربة تريد قتلي مازالت ماثله امامي . أي تعبير حر ممكن في هذا المناخ المتعفن ؟ لا ادري