لو لم أكن تونسيا لوددت أن أكون تونسي

القصد من هذه ألتدوينه ليس السخرية أو الاستهزاء بالدول العربية الشقيقة بل هي نقد ذاتي لوضعنا التعيس و إبراز لنجاح المقاربة التونسية.

وقتلي نشوف العراق محتل و سيادته منتهكة و 4 ملاين عراقي مهجر و مليون ماتوا بسبب الحصار

نحمد ربي اللي انأ تونسي و نعيش في تونس بلد الأمن و الأمان .

وقتلي نشوف سوريا و شعارات المقاومة و العروبة في خطابها الرسمي و جولانها محتل منذ قرن لم تتلق فيه رصاصة

نحمد ربي على خطاب العقلانية متاع القيادة متاعنا.

وقتلي نشوف لبنان و التشرذم الطائفي و الحرب الاهليه و خزب اللات دولة داخل الدولة

نحمد ربي أننا كلنا سنه مسلمين على مذهب مالك و عندنا تسامح ديني يضمن حرية المعتقد و قوة الدولة و علوية القانون في بلادي

وقتلي نشوف الأردن نتذكر أيلول الأسود و دهس الفلسطينيين تحت دبابات الجيش

نفتخر بحس الضيافة التونسية للفلسطينيين اللي ما لقاو في بلادنا كان الأمن و الكرامة .

وقتلي نشوف فلسطين قلبي يدمع و و ينعقد لساني.

وقتلي نشوف السعودية بدني يقشعر لقداسة المكان و نحزن لحال المرأة السعودية الي ما تنجمش تسوق كرهبه .

نرحم على طاهر الحداد و الحبيب بورقيبه و مجلة الأحوال الشخصية في بلادي العزيزة تونس .

وقتلي نشوف القواعد العسكرية في الكويت و ثلث البلاد منطقة عسكرية مغلقة لاحتلال العراق عام 2003 نحمد ربي اللي آنا تونسي حر في بلادي و ما عندنا حتى قاعدة عسكرية اجتبيه.

وقتلي نشوف دول مصطنعة مثل قطر نزيد نفتخر بتاريخ الأمة التونسية من قرطاج للقيروان .

وقتلي نشوف الإمارات مفرطة في جزرها لإيران نحمد ربي اللي أنا تونسي و وحدة ترابنا الوطني مصانة.

وقتلي نشوف سلطنة عمان نقول الحمد لله اللي أنا تونسي و عايش في نظام جمهوري حقيقي ليس فيه خلافة آلية لا دخل للشعب فيها.

وقتلي نشوف حرب أهلية في اليمن نزيد نتأكد انو حرية التعبير هناك حرية مزيفة ما جابت كان المشاكل.

وقتلي نشوف الإرهاب في الصومال يقطع في أوصال البلاد

نحمد ربي آني تونسي و انو بلادي لم تشهد في تاريخها حتى عملية إرهابيه كبيرة .

وقتلي نشوف في مصر 3 مليون عايشين في المقابر و في فقر مدقع ،

نحمد ربي عل المد التضامني اللي في بلادي جعل من الطبقة الوسطى في تونس 80 % و أكثر من 3 أرباع التوانسه يملكون منازلهم .

وقتلي نشوف اللي سوء الإدارة في ليبيا و رغم ضخامة الموارد البترولية ما فماش تنميه للإنسان و إلى الإنسان بل كل الأموال تحطت في البيطون و البناء مثل دبي ايظا .

وقتلي نشوف أحزاب الجنوب في السودان تطالب بالانفصال عيني عينك نقول اللي التعددية الحزبية أمر أساسي في بناء الديمقراطية لكن فما حاجه اسمها ديمقراطيه مسئوله و فما فوضى.

وقتلي زاده نتذكر العشرية الحمراء في الجزائر مات فيها 100 الف شهيد بسبب خطأ و تسرع في الديمقراطية

بدني يقشعر و نقول خيار مسار تعددي بطيء لكن على أسس صحيحة ديما أحسن.

وقتلي نشوف المغرب مازالت ال توا تحارب ديبلوماسيا من اجل ضم الصحراء و الحدود مغلقه مع الجزائر

نعرف شكون قاعد يعطل في مسيرة الاتحاد المغاربي للاسف و هذا الاتهاد كان ينجم يضاعف النمو في بلداننا .

وقتلي نشوف موريتانيا بعد الانقلاب على ولد الطايع أصبحت فصائل تبحث عن حل أجنبي مثل لبنان أتساءل عن الديمقراطية الوهمية التي وعدوا بها الشعب بعد الانقلاب .

وقتلي نشوف بعض مواطني أوروبا يضطرون للتنقل بالدراجات لان سعر الوقود تضاعف فجأة

أتذكر كيف تتكبد ميزانية الدولة سنويا خسائر بملايين الدينارات من أجل مواصلة دعم العديد من القطاعات مثل دعم عدد من المواد الغذائية الأساسية، دعم المحروقات لذلك عمري ما شفت الكراهب في تونس وقفت لا في 1973 و لا بعدها حتى وقتلي زاد سعر برميل البترول لما يناهز 200 دولار .

وقتلي نشوف في فرنسا و ما ادراك ما فرنسا ناس تموت كل عام بالصقيع و موجات الحر في الصيف و خاصة منهم مسنين يعيشوا وحدهم في باريس ،

15 الف قتيل عام 2003

أتذكر كيف تتكبد ميزانية الدولة سنويا توفير التلاقيح و المتابعة الصحية للمواطنين و خاصة الرضع و التلاميذ و ضعاف الحال و العن المجتمع الفرداني

individualiste

الذي أنتجته هذه النظم الموغلة في الليبراليه .

وقتلي نتذكر احتجاجات الأوروبيين و الأمريكان على وضعية حقوق الإنسان في تونس بداية التسعينات و احتضنت هذه البلدان أصوليين قال شنوه مضطهدين في بلدانهم

نضحك عليهم بعد 11 سنة بعد ما تشواو بالإرهاب قالوا يا ليتنا سمعنا كلام تونس مل الاول لانو بلادنا كانت سباقه لاكتشاف الخطر و التحذير منو و معالجته بشكل جذري .

وقتلي نقرا بروباغندا الاتحاد السوفياتي الشيوعية و البروبغندا الامريكيه المضادة و اللي خلات أمريكا ال طوا باسم السوق الحره و مبادئ الرأسمالية ، مازال اوباما مسكين يحاول يعدي قانون تغطية صحية للأمريكان عندك فلوس تداوي ما عندكش ما تداويش .

نزيد نتأكد بعد تبني الأمم المتحدة لفكرة صندوق عالمي للتضامن وهي مبادرة تونسية انو هناك طريق ثالث بين الرأسماليه المتوحشه و الاشتراكيه الموجهه .

هذا موش معناها تونس جنة فوق الأرض عندنا الكثير من المشاكل و النقائص لعل أهمها ظاهرة الحرقة و اللي يموت فيها كل عام 100 تونسي تقريبا كل عام . و اللي حسب رأيي ماهيش هروب من الفقر بقدر ما هي مغامرة يقدم عليها بعض الأشخاص الحالمين بالثراء السريع .. تنجمو تتفرجوا على وثائقي رؤوف بن يغلان الأخير بش تتأكدوا من كلامي .

الحمد لله أني تونسي و كفى

.