الشتم هو أسلوب الضعيف الذي ليس له حجة…
عندما يفقد محاورك أعصابه، عندما تغلبه بالحجة الدامغة ، عندما لا يجد كيف يرد على سؤالك يكشف عن وجهه الحقيقي و يسب و يشتم .. يشخصن و يتحول الحوار من نقاش أفكار لصفتك و نعتك ..
المصيبة هي انو الجبان اللي يسبك مبتور الوجه جرذ مذعور متخفي وراء كمبيوتر و رغم اني عندي عنوان الانترنت متاعو و نجم نعرفو شكون لكن هو أحقر من أحاول أن اعرف من هو أصلا و إن حاولت أن اعرف من هو فيكون قد انتصر عليا و سبابه القذر اثر فيا .
و هنا أنبه أني لا اقصد صاحب الصورة فوق لكن نحكي بشكل عام و انا من عشاق من ضربك على خدك الأيمن فادر له الأيسر .
النزول إلى هذا المستوى يدل عل الأقل بآلنسبه ليا أني على حق ، هو سؤال بسيط سألته ، أليس من حقي أن اسأل ، الم يطالبني البعض عندما وطئت قدماي التن بلوغز ان افتح مجال التعليق ؟؟ فتحت مجال التعليق .. فكانت النتيجة يا مستك و ما نقبلكش تقرى عندي اذا اصلا قبلوك في الجامعه اللي سيادتي نقري فيها !!!
هذا الكائن الذي خاطبني بهذه ألطريقه أصبح بقدرة قادر الآن شهيد الحجب ههه .
و مبعد يقولولي شبيك موالي كثير من أطروحات الحكومة . تي اهو البديل كذاب و بانلي بما لا يدع مجال للشك انو يكذب !!
. انا للي يحبو يزايدو عليا و على مواقفي قلت لا لحجب مدونة فاطمه ارابيكا و انا ضد الحجب بشكل مبدئي لكن هناك حالات نقول فيها اللهم لا شماتة وكاهو ..
ما نجمش نقول حاجه أخرى ، كيفاش تحبني ناقف معاك ولا نتضامن معاك و انت منطقك عادم و سبق لك ان شتمتني و بعد ذلك تجي و تدعي ان مدونتك خاليه من الشتائم و الثلب !! و مدونتك تشهد عليك ،
يمكن تعديها على اللي ما يعرفكش موش عليا خاتر انا متبعك و عارفك علاش تمشي و علاش تجي ، كيفاش تحبني باسم الحرية ندافع على حق أعداء الحرية في التعبير ؟؟
هو حقيقة مطب أخلاقي أشبه بالدفاع عن سجين أنت متأكد انه بأفكاره العفنة قد يذبحك إذا خرج من السجن وهو مسجون من اجل أفكاره هذه فهل تدافع عنه ؟
مانيش نشرعن في الحجب او نبرر فيه انأ كما قلت ضد الحجب بشكل مبدئي و عندي الكثير من الاعتراضات على نظام الحجب في تونس لعل أهمها انو غير واضح المعايير و لا يبرر الحجب بينما في ليبيا مثلا وقع حجب اليوتوب أمس و قامت الجهات المسؤولة بتبرير ذلك انو لتخفيف الضغط عل الانترنت عبر بيان رسمي واضح و صريح .
القصة و ما فيها للي فاتتو الحلقه هي انو و مند اكثر من 18 شهر هنا عل الفايسبوك .. و عندي مدونه اللي هي هاذي نكتب فيها مره في 6 شهور .. تفاجئت في نوفمبر اللي فات بمدونة دلاعة كوم جابده سيرتي فدخلت انضويت تحت موقع تن بلوغز و بدأت في الرد ،
فعينك ما ترى النور ،
شكون قعد ماخذاس فيا باي ، واحد يقلي شبيك مسمي روحك مدون وطني و الاسم عندو اكثر من 18 شهور و ليس ركوب على موجة الوطنية و واحد يتهمني بتخوين المعارضة و واحد يتجوسس عليا في الفايسبوك و يتهم فيا بإنشاء قروبات دهن و درا شنيه و كاريكاتور و العاب ..
الست مواطنا تونسيا عندي الحق بش نعبر على رأيي ؟
علاش الهجوم هذا الكل ما الجرم الذي ارتكبته ؟
يكفي أن تكتب اسمي بالعربية و الفرنسية على قوقل لتجد عشرات المقالات المسيئة و العارية عن الصحة و ترقى في بعض الأحيان للسب و الثلب عن هذا المدون الوطني المدعو احميده . أليس هذا دليل حقد دفين ؟ حقد على اصحاب الراي المخالف للاغلبيه من المدونين ؟
موش الاجدى ان يطبق اصحاب الشعارات هذه المقولات على انفسهم اولا !!
فما واحد مسمي روحو قطوس الزبلة وهو مدون باسم مستعار ثاني ان ان الواحد منهم تلقى عندو عشر مدونات لإيهامنا أنهم كثره في البلاد ههههههه .
سي قطوس هذا فتح مدونته ماخور لسبي و شتمي و ثم أغلقها و التواطئ الواضح متاع بقية المدونين كان فاعل في التصويت لتدويناته في تن بلوغز بحيث تكون هي الأولى و الأكثر قراءة . مشى في بالهم بش يلعبولي على أعصابي هههه و بش نهرب بجلدي رغم انو الكثير من أصدقائي السابقين تركوني وحيدا في مواجهة الإعصار و درت مالقيت حد ورايا كيما يقولوا لكن تلك أفكاري و ارائي و سأدافع عليها لأنها مني و جزء مني لا أقولها تملقا او طمعا .
Articles
