تجريح ، كاريكاتور ، استفزاز ، نقد بناء ، نقد مسؤول ، حرية تعبير ، حرية رأي ، كذب ، تشويه ..
كلمات و معاني .. بربي نحب نفهم .. .
لاحظت في المدة الاخيره ان الكثير من اصدقائي الفايسبوكيين انظموا لقروب ضد تجريح صحفيه في لابريس من قبل مها شتورو و دفاع القروي عليها في ندوه صحفيه .
ما نحبش نقول رايي في المسأله
لا عندي لا ناقه و لا جمل في الحكايه هاذي لاني لا مع نسمه و لا مع لابراس ،
لكن نحب نسأل :
ما الفرق بين النقد البناء و النقد اللي ما يبنيش ؟؟
هل يحق للكوميدي ان يسخر ممن يشاء ؟؟
هناك من يقول ان ساركوزي يتعرض دائما للتجريح في برامج القينيول و جريدة الكانارد اللي ما يكبر في عينها حد حتى الرسول صلى الله عليه و سلم و المسيح ؟؟
علاش حتى حد ما حكى على كاريكتور زاد المحجوبه في تونس و اللي في احداها يصور العلم التونسي كمنديل ورق ؟
الناس اللي تساند لابراس ضد نسمه هل انتم مع حجب مدونة زاد ايظا لانها تسيئ للعلم التونسي ؟
علاش وقتلي الثلب او الازدراء يوجه لشخصيه نحتلف معاها في الراي مثل الريس الفلسطيني محمود عباس حتى حد ما يدافع عليه ؟
علاش ازدواجية المعايير ؟
علاش مثال لم نشهد اقبالا على قروب ضد تصوير شعار نسمه كقناة صهيونيه ؟
.
وقتاش النقد يولي تجريح و وقتاش يكون بناء ؟
ادا بسبب برامج تلفزيون الواقع و بسبب عركه بين عبدلي و نصرالدين بن مختار و عركه بين شتورو و الدامي و بسبب سكاتش سوسن معالج البلاد بدات تخوض مالا وقتلي تولي لحكايه عركه عل الهواء في البرلمان التونسي بين حزبين و مظاهرات في الشارع شكون ينجم يضمن الامن و الاستقرار ي البلاد ؟
بكل اسف نحب نسأل ياخي احنا نستحقوا الديمقراطيه و حرية التعبير ولا مازال بكري ؟
. .
Articles
