المفهوم السياسوي الضيق السطحي VSالنمشي المجتمعي الثقافي الشامل

نشر السيد طارق الشنيتي هنا و هنا في مبادرة رشيقة جدا 3 فيديوات يمكن اعتبارها مرجع فكري في فهم الرقابة و الحجب تمهيدا لإيجاد حلول .. هذا المقال هو تفاعل معاه :

الحجب و الرقابة بين المفهوم السياسوي الضيق السطحي و النمشي الفكري المجتمعي الثقافي الشامل هذا تلخيص للجملة التي قالها سي طارق في ألدقيقه الرابعة من الفيديو الأول و اللي تلخص كل شيء

وهي :'' . لو كان ندخلوا لمفهوم الرقابة من المنظور هذا من منطلق الخيار الجماعي نوليو معادش نخزرولها من هاك الزاويه الضيقه اللي استانسنا بيها متاع السلطه الغاشمه اللي تمارس في احكامها علينا احنا الضحايا المدونين نوليو نخزرولها كممارسه جماعيه نتحملوا كلنا مسؤوليتها فيها ''

يا سي طارق يا سي طارق .. برافو .. و الله يعطيك الصحة عل المبادرة هاذي ..

أنا اللي فهمتو من الفيديوات هو انك ضد الحجب و مع حرية التعبير قولا و فعلا ولست بمعرض التبرير لا للحجب و لا للدكتاتورية ..

لكن للأسف و حتى بعد تفسيرك لموقفك بشكل استثنائي لأنو وقع تشويه موقفك و تحريف كلامك .. للأسف رغم ذلك فان تعليق اراباستا يدل أنهم لم يفهموا حسب رايي كلامك و هذا شيء عادي يا سي طارق ما تعبش روحك هؤلاء ناس كيما قلت كالببغاوات ما تقرءه في مدونة بنت عايله تلقاه في ارابستا و غيرهم قص لصق ...

اعتذر يا سي طارق لكن لا أستطيع إن أكون ديبلوماسي مثلك أحسدك على دم الانقلييز اللي عندك ..

هذه هي الحقيقة ، المدونات التونسية كأطباء الاختصاص لينا بن مهني ما تحكي كان عل الطلبة و المعارض السياسي كيما قلت ما يكتب كان ضد الحكومة ..

الفضاء التدويني مصاط ...

انأ حسب ما فهمت من كلامك انك تريد إن ننقاش موضوع الحجب كمشكل نفسي لاواعي اي انو الصنصره الذاتيه اللاواعية هي اخطر من حجب السلطات لمدونه بسبب مقال و انا متفق معاك الف بال 100 و هذا ما قلناه مرارا و تكرارا ..

الحجب مشكله اجتماعيه و ثقافيه قبل ما تكون سياسيه فمثلا حجب تعليقاتي جريمة تعادل حجب السلطات لمدونه معينه .. أن يحجب المدون فكره بنفسه كان يقطع إصبع من أصابعه هو من ذاته يكتب جمله و مبعد يفسخها مثلا خايف من انو مدونتو تتحجب فيبدل الصياغه او خايف لا يقع اتهامو و تأويل كلامو من طرف اعداءو على انو مسانده للمثليين جنسيا او مسانده للصهاينة آو أساءه لمقدس و خاصة منه الرسول صلى الله عليه و سلم ..

فيخاف المدون و يحجب روحو بطريقه لا واعيه لانو كما قلت آنت تاريخنا مزيف ، ثقافتنا للأسف فيها سلطة الأب إرهاب العايله و سلطة المعلم و الأستاذ و سلطة الحفاظ على ما نريد ان نروجه عن أنفسنا في عيون الآخرين .. هذا ما فهمته من كلامك و أرجو أني نكون فهمتك صح .

عندنا ليسته طويلة و عريضة من التابوهات التي يتجنب يا سي طارق اغلب المدونين الخوض فيها و يحجبون ذاتيا الكلام عنها و انت ذكرت منها المثليه الجنسية ، الجهر بالإفطار في رمضان ، التمييز بين الجنسين فيما يخص ما يسمى الشرف و الأخلاق الخ الخ ...

قضيه مهمة اخرى الاصوليه اينعم الاصوليه اللي هي ترفض تنسيب اراءها اي ان يدعي المرء انو يمتلك الحقيقة

فعند الاسلاموي النبي محمد مقدس و عند الشيوعي نضالات العمال ضد الاستغلال مقدسه و عند اللبراليين حرية التعبير مقدسة و هذا ما قالو حسين قالك فوندمنتال و لازمك تخمم كيفو و تسطح المسالة و تكتفي بشتم عمار و السلام .

و بذلك تصبح سي طارق مناضل ضد الحجب و لكن أنت تفكرني ببورقيبه اخترت الطريق الصعب طريق الحوار مع ناس مصنفتك بأحكام مسبقة تذوب الحجره و هما ما ببدلوش نظرتهم ليك ..

هما ناس عندهم نظره سياسويه ضيقه للحجب و آنت حامل برنامج فكري مجتمعي يحاول تحليل المسألة و اقتلاعها في جذورها و نهائيا فقد يموت عمار و سيموت حتما و قد يتبدل النظام جذريا مثل ما حصل مع حزب البعث في العراق لكن اللي جاو بعد البعث قاموا باجتثاث حزب البعث بنفس الطريقة اللي مارسها عليهم البعث ...

اختم تعليقي بنفس ما بدأت مقالي يا سيدي الكريم و قد أبدعت في ألدقيقه الرابعة من الفيديو الاول و خصت كلامك كل في جمله

هي :'' لو كان ندخلوا لمفهوم الرقابة من المنظور هذا من منطلق الخيار الجماعي نوليو معادش نخزرولها من هاك الزاويه الضيقه اللي استانسنا بيها متاع السلطة الغاشمة اللي تمارس في احكامها علينا احنا الضحايا المدونين نوليو نخزرولها كممارسه جماعية نتحملوا كلنا مسؤوليتها فيها ''

و نضيف يا سي طارق لكلامك ممارسه جماعية لا واعيه نتحملوا كلنا مسؤوليتها . انت مثقف يا سي طارق و هما يخدموا في السياسة ،

أنت كطارق رمضان لما تحاور مع ساركوزي اللي وقتها داخل انتخابات رمضان مثقف و ساركوزي سياسي رمضان يخدم على قرون و ساركوزي حاجتو فقط بإقناع الناخب للوصول للسلطة فتصبح الاسلحه كلها مشروعه كذب تشويه ثلب ما هيمش المهم هو الوصول للسلطة هما حاجتهم بالكرسي و أنت تحب عبر تدويناتك و أفكارك تمس العمق ..

تبني مجتمع صحيح مجتمع حر قادر ان ينتج سلطه على شاكلته بدون خوف من التراجع على المكاسب اللي تبنات لبنه لبنه

هما يحب يهدمو كل شي و يعاودوا يكتبو من جديد و انت تحب تبني فوق الليب بناو قبلنا

و انا معاك يا سي طارق و موافقك على آراءك اللي نشالله نكون فهمتها جيدا .

فكرتني بفيديو رؤوف بن يغلان

.................