الحلقة الأولى : الأخ المدون دلاعة .

أواصل بث المسلسل بعد الحلقه الثانيه هذي الحقله الاولى ..

السيد دلاعه هذا هو اول واحد كتب عني في البلوغسفار و بسببه دخلت للتن بلوغز بش ندافع على روحي ، السيد نشر صورتي و رسالتي لأعضاء قروب بن علي 2009 و راح يناقش في كلامي ،

اذا كان قانون الصحافه يكفل حق الرد خاصة و انو اسمي و صورتي منشوره في موقعه وهو موقع و ليس مدونه بالمعنى المتعارف عليه .. اسم الدومان .كوم يتكلف فلوس و هنا اتساءل عرضيا علاش شاري موقع بش يكتب فيه 4 مقالات عليا انا بالذات ؟

انا شكون ؟ جرد مواطن اقل من البسيط لا انتمي حتى للطبقه الوسطى ، فقير و مهمش ، علاش ؟

انا بالذات ؟

هل انو كلامي وقتها في اكتوبر 2009 كان فيه هجوم على احد ؟

لا ابدا ، اكتب في الفايسبوك منذ سنتين و كنت أتابع التن بلوغز و لم أدرج فيها مدونتي تلافيا للمشاكل ،

اي عاد قلت اذا كانا لصحافه يكفلا لحق في الرد ،

كيفاش المدونات تكفل حق الرد معناها نعمل انا مطلب لسي دلاع او رئيس تحرير مدونته بش نرد عليه ؟ موش لوجيك ، الحل الوحيد هو الانخراط في التن بلوغز بش كي تكتب حاجه يشوفها الناس الكل و نمارس حقي في الرد .

علاش ما جاوبتش عل المقالات هاذي في وقتها ؟

فما ثلات أسباب /

السبب الأول ميزان القوى ماكانش عادل فقد كنت محروم من حقي في التصويت في التن بلوغز و كانت كل المقالات التي تشتمني او تنقدني على حد السواء كانت تاخذ الصدارة بينما ردودي عليها دائما يقع إقصاءها ..

السبب الثاني اعتقدت لوهلة في ذلك الوقت أني ساجد مسانده من بعض من اعتبرتهم اصدقاء و لكن للأسف نفسهم معايا لم يكن طويل و انا اعذرهم في هم في الاخير محقين في اختيارهم تجاهل الشرذمه الناعقة فتجاهلهم هو الحل حقيقة و اللغه الوحيدة اللي يفهموها هي 404 فليحيا ال 404 ..

السبب الثالث هو الخلط و التشويه اللي صار بين الوطنية و حضورها البارز بعد الانتخابات و اسم مدونتي اللي عندو عامين و لا علاقة له لا من قريب و لا من بعيد بموجة الوطنية فكان لزاما عليا الانسحاب التكتيكي لإزالة بعض الأحكام المسبقة عليا .

و زيد يا صاحبي لقيت روحي وحدي نحارب في مئات الأسماء المستعارة المدربة جيدا و المتمكنة من التقنية. و عندها حضور قديم و علاقات متشعبة قد تأثر حتى في حياتي الشخصية.

نرجع لسي دلاعة الذي اعترف هنا و قال :

Mon ami Hmida Ben Jemaa, excellent communiquant et grande figure du e-militantisme RCDiste, explique qu’il est bien de créer et de multiplier les blogs RCDistes

، طبعا دلاعه ما سبنيش و النقد متاعو على عيني و راسي و قريتو كل و سأعمل على إصلاح ما يمكن إصلاحه ، و زيد تكرم سي دلاعه في آخر تدوينه له و نشر الرد متاعي . لذلك واجب نشكرو ،

و نسأل علاش من وقتها ما كتب شي ؟؟

من نوفمبر 2009 .