تنجم تحمد ربي انو الأمر كذلك

قريت في برشا مدونات أنهم شاكين انو المبيد على علاقة بجهاز امن دوله قوي أو بإدارة الفايسبوك لذلك يستطيعون إغلاق البروفايلات في اقل من ساعتين او 4 ..

بعد ما انخرطت في الحملة ضدهم بديت في تجميع الدلائل و تبين بشكل قطعي ان الأمر مجرد برنامج غبي في الفايسبوك .

فمن غير المعقول ان شبكة اجتماعيه فيها 400 مليون مشترك ، الشكاوى اللي توصلها يعالجها تقنيون ، الروبوتات هي التي تقفل في البروفايلات اوتوماتيكيا .. و يبدو ان البرنامج لا يتسامح مع الهويات المزيفة و عندما يصل عدد الشكاوى لرقم معين في حيز زمني قصير ، الروبوت يقفل البروفايل اوتوماتيكيا .

لاحظت ان المشرف على الصفحة ديما يطلب من اناس طريقه مخصوصة في التبليغ هي :

المبيد الحشري الفايسبوكي الثاني Signalez tous les profils qui sont sur ce mur comme (faux profil - ne représente pas une vraie personne) ******** Report all the profiles you see on this wall as (fake profile - doesn't represent a real person)

et c ça la faille de sécurité sur facebook .

و أتفهم الفايسبوك جيدا فهو يؤكد في كل عملية تسجيل هات اسمك الحقيقي و لكي يقع تطبيق هذا الامر لازم البرامج الاتوماتيكيه ، المصيبة أنهم يعطلوا في كل مرة بش يدرسوا الرسائل اللي تطلب إعادة الحسابات لأنها يقع تدارسها من قبل تقنيين .

ملاحظات برقيه أخرى المشرف على صفحة المبيد يعرف الناس الكل و متبع من مده و مخطط لهذا الامر من مده ايظا و ماهوش وحدو و هذا كافي جدا بالاضافه لمعطيات اخرى بش نخمن شكون في قائمة لا تتعدى العشر أسماء .

ماهو الحل :

اولا المتضررين من الحكاية هاذي و المتعاطفين معانا من أصدقاء حقيقيين و افتراضيين لازم نكونو يد وحده ضدهم و لندع جانبا خلافاتنا الثانوية .

ثانيا يجب مراسلة الفايسبوك عبر هذا العنوان

disabled@facebook.com

و إشعارهم بوجود هذه الصفحة .

انطلاقا من البريد الالكتروني اللي وقع اغلاقو و تطلب طبعا استرجاع حسابك .

ثالثا هذا حل تقني سريع يتمثل في متابعة هذه الصفحات و تبديل عنوان بروفايلك مباشرة بعد أن يضعوك في الليسته .

http://www.facebook.com/username

لازم يكون عندك عنوان بالحروف بش تنجم كل مره تبدلو .

رابعا تخصيص وقت ولو بسيط لتنبيه الناس سواء المخدوعين اللي يتبعو فيه او اللي اسماءهم في قائمة المبيد برسائل خاصة .

خامسا هاذي بعض النصائح التقنية من مدونة مصير قد تساعد ايظا في تجنبهم .

……………….

فيما يخص الرسائل متاع المبيد الموجه ليا ، بون البطاله موش بطال ، لكن فقير و الفقر موش عيب و الحمد الله يا ربي فقير صحيح و نحارب فيكم بجهاز كمبيوتر

Pentium 3 lol

عمرو 10 سنين و شاشه خرده شاريها ب 10 دينارات و قديم و مفريس و الديسك دور متاعو خارج على بره . اما تنجم تحمد ربي انو الأمر كذلك ههه لانو صدقني لو توفرتلي الامكانيات الماديه الله وحدو اعلم شنوه ينجم يقع .

اخبرا لا داعي أن اعلق عل الساكتين على هذه المهزلة إما تعاطفا او خوفا و كذلك من يريدون وضع الضحيه و الجلاد في نفس الخانه ، رد بيغ تراب بوي كافي .