عالم بالمقلوب

نشر معلومات كاذبة في بعض الأحيان و بدون دليل في أحيان أخرى يسمى نضال .. أن تقول لمن أحسن أحسنت تملق و تسلق ..

أن تقول لمن أساء أسئت نفاق و محاولة لإلهاء المناضلين '' الحقيقيين '' عن النضال ههه .

اذا قلت هذا تطرف يتهموك بالثلب و يهددوك برفع شكوى .

اما لما ينعتني أستاذ و دكتور تبارك الله باني سلفي لآني استشهدت بأية قرآانية !! في تدوينة الاخ المدون حميده 3 و يبتدع سي زبراط مصطلح جديد الزوردية السلفية !!

فتلك حرية تعبير .

التملق و التمسح على أعتاب مدونة وقع حجبها مؤخرا ، نضال ضد الحجب ههه .

اما ان تفرح لما تقرأ خبر ايجابي عن بلدك ;; نشر معلومات ايجابية و حقيقية عن تونس يسمى تملق للسلطات ..

عالم مقلوب بالحق !!

اذا قلت حداثة يسبوك جماعة الأصالة و إذا قلت أصالة يسبوك جماعة الحداثة ..

هذا انا

غريب في وطني و الغريب من في غربته غريب

هذا انا

أتألم في صمت لضيق مساحة التعبير .

هذا انا

اذا قلت اني وطني تجد من يدخل لقلبك لكي يتهمك بانعدامها او احتكارها لتخوين من يخالفك الراي ،

تحل فمك يطيرو زروسك ..

بين الطاعون و الكوليرا ما عندك ما تختار ..

اذا قلت المرأة ليست ناقصة عقل او دين تتهم باساءة الادب مع المقدس و يهددوك بنار تحيط بك سرادقها من طرف من يدعون زورا و بهتانا امتلاك مفاتيح الجنة و النار .

اذا تقول فما قناة تلفزيه عندها تصريح قانوني بالبث من الأراضي التونسية و عندها الحق تبث اش تحب و اللي موش عاجبو بينو و بينها فلسه تولي تشجع عل الفساد !!

بين المطرقة و السندان رأسي أنا ،

انا حزين في وطني ، أنا أتألم بسبب أبناء وطني ...

لماذا يا ألاهي ، أي ذنب ارتكبت ؟

يا الاهي اصحو في كل صباح عاقدا العزم عل التوبة من الكتابة و التدوين و الفايسبوك فهي رجس من عمل الشيطان .. و ادخل على موقع الوكالة التونسية للتشغيل و افتش و افتش ثم أغلق الكمبيوتر .. ثم أدخن سيجاره .. و قد اذهب لمقهى الحومة فيصيبني الغثيان من حالة الناس و حديث الناس و المواضيع التافهة اللي يناقشوا فيها ..

دجاجة حرق للطليان ، انيس خذا قاورية و قلب لفرنسا ، سفيان عمل مشكلة البارح في البغيل و كسر دبوزه شراب ، سامي رسموه في لوبات ، الميسره متاع القرنيط ماهيش باهيه البحر فرغ ، الوتله سكرت شتاء ربي يفتح كي تسخن الدنيا و يجي الصيف .

ما دخلي انا في كل هذه المشاكل ، احمل الكابوسان ، و أرجع قافلا متطأطأ الرأس احدق في الاسفلت و أفكر زعمة بنت عايلة كتبتشي حاجة جديدة ؟ و افكر في رئيس النيجر اللي طيروه و في تفجير حسينية بغداد و الاتفاق مع الحوثيين و احمد الله اني تونس و اعيش في تونس ....

افتح الكمبيوتر اجلس احدق في شاشة الكمبيوتر مطولا ..

ادخل لمواقع اخبارية ، تستفزني بعض المقالات مصير هدودها ، امام جامع باريس كسرولو كرهبتو ، بنت عايله كتبت مقال جديد ، اشحن اشحن ، افقد اعصابي ، نطرطق صوابعي و نتسيب عل الكايبورك ثلاث اربعه تدوينات ..

، احس بالراحه ، فرغت قلبي ، انا سعيد .

هل لديكم حل لحالتي المرضية هذه ؟

To be continued , a la prochaine depression !!