"الحرية الجنسيه"" ""الحرية الجنسيه" بيني و بين بنت العايلة

كنت كتبت تدوينه سابقا هنا

دسترة الحريات الفرديه

للبحث عن ناس تشاركني نفس الأفكار التاسيسيه لدستور جديد لبلادنا باعتباري مواطن تونسي كامل الحقوق المدنيه و السياسيه ... سعدت جدا بعشرات الرسائل اللي تدعمني في الخفاء و الجهر و سعدت جدا بالناس اللي تحب تشارك في القائمه اللي انا مانيش بش نشارك فيها لأسباب شخصية . و بش ما تغشش فطومه ارابيكا هههههه .

انا اللي يهمني تحقيق مطالب جزء من الشعب التونسي فانا اخجل من الشعب التونسي أن أتحدث باسمه كله .

انا اللي يهمني الافكار موش الأشخاص ، البرنامج موش عدد السنين اللي عديتها في الحبس تحت بن علي . و الا علاش نعملو انتخابات مادمها لحكايه شرعيه سجنيه ، نجيبو ليسته واكاهو .

حاصيلو في هذه التدوينه الجديده حبيت نعرج على تعليق صديقتي الفايسبوكيه العزيزه جدا و انا كنت نقول ديما اني نحب مدونتها برشا حتى قبل سقوط بن علي بش ما يقولوش اهو قلب الفيسته .

يد مهراس قالت في تعليقها :

يد مهراس بصراحة في بلاصتك يا حميدة مانكرّش على بنات الناس ونقلهم ايجاو معايا في قايمتي وانت تعرف ماذا يمكن ان ينجر عن ذلك من اثر عليهن28 mai, 17:43 · J’aime

طبعا هذا التعليق يلخص بصوره كاريكاتوريه اللي هو أسلوب مهراس العادي .. عقلية الشعب التونسي الكريم

..

الشرف مرتبط بحفاظ الذكر على عذرية الانثى التابعه له أخت او زوجه او ام

..

في نفس هذه المنظومه الأخلاقيه البائسة يقع اعتبار إعطاء الحرية للذكر انو يعمل أش يحب كأنو و الله بش يمارس الجنس مع بنات معندهمش خوات او اباء ههههه . عقليه بائسة قروسطية ..

فيحق للاخ الذكر انو يخرج يسهر او يعمل اللي يحب و لا تثير رؤيته راكش في بلاصه مع أنثى اي مشكل لدى العائله الكريمة في حين الطفله لازمها تلتزم بتقاليد العايله و لازمها تحافظ على شرفها و شرف العائلة .

قداش من جريمة صارت في هذا الإطار ،

الحمد الله القانون متاعنا اللي خلهولنا النظام البائد القمعي المتسلط متاع بورقيبه الدكتاتور المستبد اللي زج بالمناضلين الملايكه النظاف متاع النهضه في السجن هههه .. القانون هذا او الدستور هذا ليس مثل القانون المصري التعيس الذي يتيح للزوج قتل زوجته لأنه وجها دي الفراش مع رجل اجنبي ..

الحمد الله الدستور البائد كان وسطي بين تطرفين بين تطرف انسلاخي نيوليبرالي قد لا يجد صدى في مجتمع محافظ مثل مجتمعنا الكريم لكن ايظا لم يرضخ لتطرف قروسطي غبي ..

اما و قد اتفقت النخبه الكريمة على القطع مع هذا الدستور فانا كمواطن تونسي حر و كامل الحقوق المدنيه و السياسيه .. من حقي ان استعمل حقي البديهي في التعبير عن رايي في بروفيل فايسبوك صغير معتم عليه من كل وسائل الاعلام خوفا ان يتهموهم أنهم تجمعيين ...

لكي اقول راي لم اسمعه في وسائل الاعلام راي لم يتشجع ادعياء الحداثه او ما يسمى يسار و تقدميين انهم يقولوه بشكل واضح ،

العهد الجمهوري اللي يروجولو لا يلبي مطامحي و لا يلبي مطامح الجزء من الشعب التونسي اللي متفق معايا ... العهد الجمهوري يتنوفق و يهز و ينفض

،

نحب نقول بشكل واضح و صريح للمجتمع الذي انتمي له انا ذكر تونسي لا ارضى ان احصر شرفي بين فخدي انثى تقولون انها تابعه لي .. انا ارفض هذ الامر رفضا باتا و ارفض تقييد الحريات الجنسيه لاننا عرب او مسلمون ، انت مسلم عربي اعمل اللي تحب في حياتك الشخصية اما ألدوله فعليها ان تضمن لي سقفا مرتفعا للحريات انا الوحيد الذي احدده طبعا في اطار ظوابط التعايش بيننا و ليس ظوابط نصوص او افكار تقول عليها انت انها مقدسه او ان اغلب الشعب التونسي يتعتنقها .

الديمقراطيه ليست تسلط الاغلبيه الخارجه من صندوق الاقتراع بل هي احترام الاغلبيه للحريات الفرديه و لو كانت لاقليات انتخابيه ، انها فرصتنا لكتابة دستور احسن من دستور 1959 ..

تذكروا دوما ان بورقيبه الظالم المستبد الدكتاتور هههه لما زرب بمجلة الاحوال الشخصيه قبل الدستور و حرم فيها تعدد الزوجات و كان يقول للناس المرا موش بقره بش تكتب في الصداق البنت البكر و اعتباره شرطا من شروط الزواج و صحة العقد .

كان اعوان بورقيبه في الحكومه يقولولو مازال بكري و المجتمع قد يرفض الخ الخ .

انا معاذ الله اني نقارن روحي بإنسان عظيم محامي كبير كيما بورقيبه او نتطفل على مفكرين كبار كيما الطاهر الحداد ، او اني نقارن روحي بيهم انا مجرد مواطن بسيط فقير تعيس قررت اني نكتب الكلام هذا خاتر ولا واحد فيهم استرجل في الاحزاب الكاكويه او في المفكرين و كتبو ،

تجي تقول لالفه يوسف ترشح تقلك لا انا مفكره مستقله مانترشحش و ما نتدخلس في السياسه ، تجي لسياسيين تقولهم تي قول ، يقلك لا يا خويا تحب تضربني في قواعدي آلانتخابيه .. تجي لناشطين و هاذي صحيحه قالي لا ياخويا موش وقتو تحب تهيج علينا الخوانجيه انت يا حثالة العهد البائد تحب تعمل فتنه في البلاد يا كلب بلع *ب فمك .

انا وقتلي ندعو صراحه لتبديل كلمة الإسلام دينها بدوله حره مستقله تحترم حرية المعتقد هذا لا يعني اني ادعو لتبديل ديانة الناس او معتقداتهم او انو نحي الدين لا بالعكس الإسلام قال لا إكراه في الدين و التنصيص على حرية المعتقد يدخلنا في عصر الحداثه التي انتظرناه طويلا . و حرية المعتقد تضمن لك ان تمارس دينك كما تريد لكن دون ان تفرضه على الآخرين .

......

ايا مازال ناقصني زوز رجال رجال و زوز نساء رجال لكي تكتمل القائمة .

HBJ .