الشرعيه السجنيه و التعذيبيه شرعيه خطيرة

علاش الناس كل ساكتة ..

علاش تجمعي ليوم ولات تهمه و من غير ما تسمع البقيه تحكم عليا بالمسبق ،


التدوينه هاذي نعتبرها خطيره خاطرها تمس موضوع انساني له ابعاد خطيره وهي قتل ناس تحت التعذيب و سجن اخرين مده طويله و السجن الانفرادي لمده طويله ايظا .


و بش نسمي الاسماء بمسيميتها و رغم اختلافي الكبير مع المدعو صادق شورو ، اختلاف ايديولوجي عميق .. رغم ذلك لازم نقول كلمة حق حول ترشح العديد من مناضلي النهضه في التاسيسي ، شورو مثلا رقم 3 في بن عروس .. العبعاب و ما ادراك ما العباب رقم واحد في الولايه متاعي في مدنين ..

الناس هاذم و غيرهم يفتخروا بتاريخهم السجني و يعتبرو النضاليه السجنيه سبب كافي انهم يوصلو للحكم ..

الناس هاذهم تعذبوا برشا و انا اساند كل التحركات لتعويضهم ماديا و معنويا بتكريم و تسمية شوارع رئيسيه باسم مكان شوارع بورقيبه و 7 نوفمبر اللي عذبهم ..

لازم زاده نعترف اني جبان و اني لم اجرأ ابدا على إدانة هذه الامور قبل 14 جانفي .. لكن مانيش وحدي جبان في البلاد فلا تحملوني ما لا احتمل ...


اخيرا نحب نقول انو النهضه كان يمكنها تقديم قوايم اكثر اعتدالا و عدم تقديم الشرعيه السجنيه اللي تحدث عليها مورو و قال انها حرمته من الرجوع للنهضه باعتباره ادان باب سويقه و انشق منذ بداية التسعينات و بالتالي لم يدخل السجن .


. الناس اللي تقضي مده كبيره في السجن يركبها 60 مرض نفسي و في عديد البلدان و بعد الحروب مثلا و خاصة منها الاهليه يقع حرمان حتى المنتصر من تقلد مناصب حساسه في الحكم لانه لن يكون ابدا قادرا عليه ..


الانتخابات هاذي يا ناس محاصرة برباعي المستقلين متاع مورو و النهضه و العريضه متاع الهاشمي الحامدي و اكثر من 20 حزب ذو خلفيه اسلاميه و مع اضافة الاقصاء التام للدساتره و يسار ضعيف و متشرذم .. مستقبل تونس يخوف ..