التدوينه هاذي هي في الأساس تعليق للتفاعل مع تدوينة الدكتورة الفة يوسف اللي نشكرها بالمناسبة فهي من المفكرين التوانسه القلائل الي تهبط من برجها العاجي اللي راكشين فيه البقية و تهبط و تتفاعل مع الشعب و مع المدونين فشكرا لها .
لا مجال للمقارنة... لا مجال للمقارنة بين الضحية و الجلاد .. لا مجال للمقارنة بين التطرف العلماني و التطرف الإسلامي ،
). لا أحب استعمال هذا المصطلح لأنه لا وجود له و يضع العلمانية في تضاد مع الدين و هذه مغالطه كبيره استعرت المصطلح فقط لان أستاذا استعمله هههه ملا أستاذ .)
لا مجال للمقارنة بين من يستهزئ لو سلمنا جدلا انه يستهزئ بشخصيات تاريخيه أو بأفكار ، فما هو مقدس عندك قد يكون غير مقدس عند غيرك ...
لماذا لا ينتفض الهندوس ضد كاريكاتور البقرة المجنونة في أوروبا و البقرة عندهم مقدسه ؟
لا مجال للمقارنة بين من ينقد أفكار و من يتهجم على أشخاص و مواطنين إحياء و ليسوا أموات و يضعهم في قائمات سوداء سواء قائمة لجنة تقصي زنادقة العصر او قائمة المبيد الجديدة ،
ولينا مسخره في العالم ،
الصحفي فابريس الفرنسي الذي كتب مقالا عن الموضوع قال ان هذا النوع من التعصب غير موجود الا لدى المسلمين وهو محق .. و أورد أمثله لكاريكاتور ضد رجال دين الكنيسة الكاثوليكية المتهمين بالبيدوفيليا ،
هذا النقد موجه لرجال الدين موش للمسيحية كدين..
كيف كيف عندما تنتقد محمد عبد الوهاب و قراءته المتشددة للدين فآنت لا تنتقد الإسلام .. تقديس رجال الدين ليس من الإسلام في شيء فنحن ليس لدينا واسطه بين العبد و ربه مثل المسيحية !!
اللي يحب يلفت نظر السلط لمجموعه إرهابيه او مجموعه من مثيري الفتن الامازيغيه او غيرها ما عليه كان يرفع قضيه و يقدم أدله و القانون يأخذ مجراه .
لكن ان تاخذ حقك بيدك قال شنوه هذا سب الرسول لازم نعاقبوه هذا يشرعن للعنف و العنف المضاد و الفوضى ربي يسترنا .
القانون التونسي واضح و صريح يعاقب من يسب النبي صلى الله عليه و سلم و يعاقب من يسب الجلاله و يعاقب ايظا من يهدد غيره بالقتل او يحرض على قتله و يراعى التشديد في حالة التحريض على أساس عنصري او ديني .
لم اسمع يوما أن ملحد أو لاديني فجر نفسه في حافلة ركاب او في قطارات مدريد او في أبراج ناطحة سحاب ،
نعم الملحدون الشيوعيون في عهد ستالين قتلوا 3 مليون بشر و نفوا الناس في صحراء سيبريا و أغلقوا الكنائس و المساجد .. لكن هذه الأفعال كانت إرهاب دوله و لم تكن إرهاب مجموعه من الأفراد و بدون الدخول في متاهات التقليل من شان هذا الجرم او ذاك لكن إرهاب الأفراد يبقى اخطر من إرهاب الدولة ،
مع من ستتفاوض ؟
مع وجوه مبتورة متخفية وراء الكمبيوتر آم مع أشباح لا يعرف لها مكان او عنوان ؟ عل الأقل في إرهاب الدولة و لنا في الإرهاب الصهيوني خير مثال هناك دوله يمكن أن تتفاوض معها .
انا اعتبر اللادينيه او الابتعاد عن الدين و الاستخفاف بتعاليمه مجرد فتره عاديه في حياة اي إنسان ،
فترة شك عاديه جدا و من لم يشك و دخل في هذا الدين بالوراثه اعتبر انه أضاع فرصة بحث ممتعه و رحله وجوديه روحيه للبحث عن الحقيقة متعتها لا تضاهيها متعه في العالم متعة التجلي و الاشراقات الروحية و الإحساس انك محمي بأكبر قوه في الوجود .
و الوراثة هي التي تورث الاصوليه .
و لنا في قصة سيدنا ابراهيم عليه السلام عبرة لأولي الألباب ، فقصص القرآن الكريم ليست مجرد خرافات بل هي رسائل و رموز الاهيه لا يفهمها الا العباد الصالحين ، سيدنا ابراهيم . طلب أن يريه الله كيف يحي الموتى كي يطمئن قلبه ..
وإذ قال إبراهيم رب ارني كيف تحيي الموتى قال أولم تؤمن قال بلى ولكن ليطمئن قلبي
البقرة ….آية:260
صدق الله العظيم .
الا يبدو هذا الطلب غريبا بالنسبة لنبي يتلقى الوحي ؟ لا ليس غريبا بالمرة .. و القصة موجودة في القرآن الكريم ود المتطرفون ان يمسحوها و لكن الله تعالى تعهد بحفظ القرآن . ...
كيف يمكن أن نلوم إنسان انو يشك او أن نتدخل في اعتناقه لديانة او تركه لاخرى ،
الدعوة الاسلاميه قاعده تخدم في أوروبا و عدد المتحولين من المسيحية للإسلام ايظا كبير و اكبر من الاتجاه المعاكس ،
فزاعة التنصير و التبهبيه )انو واحد يولي بهائي (من اغبي البروبغندات اللي شفتها في حياتي و المصيبة انو المدون … عضو فري مغرب لا يتوانى في كل مره عن الافتخار بتصديه للمبشرين ، ههه ملا بطل ،
و المصيبة الثانية انو يستطيع ان يخترق البلوغسفار و يلقى شكون يسمعو و يصفقلو بعد اللا لاعب فيها معارض قالك و أبواب الموقف مفتوحة امامو !!!
المصيبة رقم ثلاثة هي انو موقع و دومان و أذاعه و فيديوات و مدونات تخدم هذا كلو بلاش ؟ لا أظن ، الموقع يتكلف فلوس على كل حال !!
هذا الكل موش مشبوه و أربعه مواطنين جاب ربي يكتبون باسمهم الحقيقي لا عندهم مدونات و لا شي أعلنوها صراحة أنهم لا دينيين هاذو ولاو يشكلو خطر ؟ و مشبوهين ؟
و الله الغباء البشري ليس له حدود و الله .
هات نسألو طوا شكون المستفيد من هذه الحاله ؟ حالة الايهام بوجود خطر ماسوني محدق ؟ المستفيد هم التيارات المتطرفة دنما ادنى شك و الأمر يستحق تدوينه مستقله لانو موش سهل تفسيرو .
بربي قداش من واحد ولى مسيحي ؟ 50 ؟ 100 ؟ ألف ؟ تي برا ربي معاك الإسلام حجتوش باتباع يشكون في مبادئو .. خذا فيزا ولا اورو ايه شنوه المشكل ؟
شنوه الخطر اللي يشكلو عل المجتمع ؟
تي ارتحنا منو هوكا مشا لاوروبا !!
الخطر الحقيقي هو 10 سنين دم في الجزائر اهي بجنبنا ، الخطر الحقيقي هو التشدد و التزمت .. الخطر الحقيقي هو الفكر الطالباني . اللي الإسلام بريء منو بدون ادني شك .
نرجع للمقارنة بين مبيد الخوانجيه و مبيد الحشرات و أقول انو اي منصف في هذا العالم لا بد ان يلاحظ أن مبيد الخوانجيه و ان ارتكب بعض الأخطاء فهو بعيد كل البعد عن نسب تطرف المبيد الثاني الذي ينعت في القائمة متاعو و منهم أنت مدام الفه بالحشرات و لا يفسح المجال للتعليق و ينشر في صور الناس و أرقام هواتفها
شي بعيد على بعضو .
.
Articles
