يا مواطن وقيت بش تقيد .

يا دستوري يا اللي هانوك ، يا دستوري ياللي قالولك ديقاج ، يا دستوري يا اللي غدروا بيك ، يا دستوري ياللي اظطريت تقلب الفيسته بش تحافظ على خبزة صغيراتك ، يا دستوري ياللي هددوك بالقتل ، يا دستوري يا اللي يحبو يشيطنوك و يلصقوا فيك كل صنوف الفساد ..

إنها فرصتك التاريخيه كي تصفعهم ،

انها فرصتك التاريخيه بش تعبر على رايك و ترفع عنك الذل و الهوان ..

انها فرصتك التاريخيه كي تنقذ تونس كما ضحى جدودنا و قدموا ارواحهم رخيصة كي يرحل المستعمر ، كي تقوم بواجبك الوطني ،

ايها الدستوري اعرف انك تعرف و اعرف انك تعرف اني اعرف، لانو زيتنا في دقيقنا و لاننا اكثر الناس اطلاعا على خفايا الأمور و نعرف الفاسد من النزيه داخل الجسد الدستوري المناضل ،

ايها الدستوري لا تعتقدن ان النهضه او الديمقراطي التقدمي او التكتل لما قبلوا عضويتك في أحزابهم سينسون من تكون و من اين جئت ، هم فقط يحاولون استغلالك و بعد الانتخابات سيطردونك شر طردة ..

السياسه مافيهاش ثقه ، السياسه يا تكون موجود يا لن يفتك احد حقك في الوجود .. الفاسدين و من تسببوا لنا في هذه الكارثة كلهم ارتحنا منهم و لن يستطيعوا الترشح .. فبارك الله فمن اقترح الفصل 15 ..

انها الانتخابات قادمة و الراي العام بدأ يكتشف شيئا فشيئا زيف الشعارات و ها قد ضحكنا عليهم 6 شهور و كفونا مؤونة شتمههم بان شتموا بعضهم البعض . هههههه ..

لذلك لا تسلم في حقك القانوني و الشرعي ان تسجل في الانتخابات و لا تكتفي بذلك بل أدع كل من حولك للتسجيل ، هوكا فما طريقة لبعث رسائل نصيه قصيرة SMSلكل أرقام الهاتف الجول في هاتفك هنا ..

كل يوم من هنا ل 2 اوت أدعو 10 من صحابك أنهم يسجلوا . عبر رسائل خاصة في الفايسبوك و عبر SMS..

حاجة ساهلة و ما تاخوش برشا وقت و حاجه قمه في التمدن و التحضر بعيده عن حرق مؤسسات الدولة و التخريب ..