Voter a Medenine Part 1/7

في اطار متابعة الشأن السياسي في الولايه اللي نتبعها .. مدنين ، تبين انو التكتل لم يرشح اي جربي في قايمته حسب ما قالت مدونة ماد جربة ...
1
آفاق تونس مرشحة وحده ماهيش معروفه كرئيسة قايمه اسمها سميرة المراي ،
2
القطب مرشح الرشفاني اللقب يبدو انو من اجيم جربة ..
3
النهضه مرشحه عبد المجيد النجار ،
4
و المؤتمر مرشح سليم بن حميدان من ألماي .. لاجء سياسي سابق و كادر كبير في المؤتمر و يبدو انو كان قبل في الاتجاه الاسلامي قبل ما يقوش على راشد .
(نحب نشكرو على موقفو يوم حاول بعض الشيوعيين الاعتداء عليا في دار الثقافه في حومة السوق .()
5
الوطني الحر مرشح عبد السلام الفيلاني ، السيد هذا زاده موش معروف ..
6
PDP
Medenine : Mohamed Hamdi, professeur
7
PCOT
محمد بن غازي عضو في القايمه لكن رئيس القايمه مازال ماعرفتوش و ماهوش في شهرة محمد بن غازي اللي كان المفروض يكون هو رييس قايمه .
8
حركة مواطنة .. شنودل من بنقردان .
9
مازال البحث جاري عن مرشح العريتضه الشعبيه متاع الحامدي .
10
المستقلين ، عندك ائتلاف مورو مرشح لزهر بن يونس رجل اعمال و هدى التي يبدو انها ابنة رئيس شعبه دستوريه سابق اذا مفماش تشابه اسماء ..
11
عندك زاده مهدي بن حموده الابرز في فايسبوك .



في انتظار بقية الاسماء ، ساقوم بتحديد معايير اختيار من اهمها انو الحزب مقدم عل المستقلين لانو عندو ماكينه انتخابيه و كذلك طبعا الأكثر قربا من العايله الدستوريه و الليبراليه في مرتبه ثانيه ..

المبادره متاع مرجان تناهى لسمعي ان المسؤول الجهوي الكسيكسي اما القايمه فمازلت ابحث عنها . هاذي ملاحظات اوليه قد تكون تسربت لها بعض الاخطاء عن غير قصد يمكن للمذكورين التصليح في التعليقات اطو نصلح ، ليس هناك نيه للاساءه لاي طرف فقط انا ناخب تونسي نحب ننتخب بشكل ذكي و ابحث عل المعلومه قبل ما توصل . في مدنين طبعا هناك 46 قايمه حسب ما قريت في الانترنت


ساقوم بوضع هذه الاسماء كلها في قوقل و البحث عن ماضيها و تكوينها الاكاديمي لاختيار احد الاطراف و اقتراحها عل الحزب الذي انتمي اليه اللي للاسف لم يقدم قايمه في مدنين ... قصد دعمها اذا وافق المعني بالامر طبعا .

بون هاذي البدايه الجزء الاول و سارجع طبعا للتدقيق و التصليح اذا فما معلومات غالطه .
.